ఇప్పుడు మరోసారి తనలోని నట రాక్షసత్వాన్ని చూపించడానికి రానా వస్తున్నారు. రానా దగ్గుబాటి తన కొత్త చిత్రాన్ని ప్రకటించారు. ‘హిరణ్యకశ్యప్’ అనే పౌరాణిక చిత్రంతో ప్రేక్షకుల ముందుకు రాబోతున్నారు. హిరణ్యకశ్యపుడిగా కనిపించబోతున్నారు. ఈ మేరకు అమెరికాలోని కాలిఫోర్నియాలో జరుగుతున్న సాన్ డిగో కామిక్ కాన్‌లో ‘హిరణ్యకశ్యప్’ సినిమాను రానా ప్రకటించారు. ఒక కామిక్ లుక్ కూడా విడుదల చేశారు.
ఈ పోస్టర్ చూస్తుంటే హిరణ్యకశిపుడి పాత్ర ఏ రేంజ్‌లో ఉంటుందో అర్థమవుతోంది.అమర్ చిత్ర కథ కామిక్స్ ఆధారంగా రూపొందుతున్న ఈ సినిమాకు మాటల మాంత్రికుడు త్రివిక్రమ్ శ్రీనివాస్ కథ అందిస్తున్నారు. రానా స్థాపించిన స్పిరిట్ మీడియా సంస్థ ఈ సినిమాను నిర్మిస్తుంది. త్వరలోనే పూర్తి వివరాలను వెల్లడిస్తారు. అయితే, ఈ సినిమాతో పాటు స్పిరిట్ మీడియా నుంచి రాబోతున్న మరికొన్ని ప్రాజెక్టుల గురించి కూడా సాన్ డిగ్‌ కామిక్ కాన్‌లో రానా దగ్గుబాటి ప్రకటనలు చేశారు.మలయాళంలో సూపర్ హిట్ అయిన సూపర్‌హీరో మూవీ ‘మిన్నాల్ మురళి’ నిర్మాతల భాగస్వామ్యంతో ‘మిన్నాల్ మురళి’ అనే కొత్త కామిక్ క్యారెక్టర్‌ను ఇండియన్ కామిక్ మ్యాగజైన్ ‘టింకిల్’ ద్వారా పరిచయం చేస్తున్నారు. అలాగే, ‘లార్డ్స్ ఆఫ్ ద డెక్కన్’ అనే హిస్టారికల్ ఎపిక్ యాక్షన్ డ్రామా సిరీస్‌ను ప్రకటించారు. చాళుక్య రాజవంశం పుట్టుపూర్వత్రాలతో ఈ సిరీస్ ఉంటుంది. సోనీ లివ్ భాగస్వామ్యంతో స్పిరిట్ మీడియా ఈ సిరీస్‌ను నిర్మిస్తుంది.ఇక హిరణ్యకశిపుడు విషయానికి వస్తే.. బ్రహ్మ ద్వారా వరం పొందిన ఈ రాక్షసుడు, తన రాజ్యంలో తనను మాత్రమే దేవుడిలా కొలవాలని, మరెవరినీ పూజించడానికి వీల్లేదని ఆదేశిస్తాడు. కానీ, అతడి కన్నకొడుకు ప్రహ్లాదుడు మాత్రం శ్రీ మహావిష్ణువుని పూజిస్తాడు. దీంతో తన కొడుకుని చంపడానికి కూడా హిరణ్యకశిపుడు వెనకాడడు. ప్రహ్లాదుడిని చంపడానికి విశ్వ ప్రయత్నాలు చేస్తాడు. కానీ, ప్రహ్లాదుడిని విష్ణువు కాపాడుతూ వస్తాడు. ఆఖరికి నరసింహావతారంలో వచ్చిన ఆ విష్ణువు చేతిలోనే హిరణ్యకశిపుడు చస్తాడు. అయితే, ఈ కథలో ఏ భాగం తీసుకుంటారనేది ఇప్పుడు ఆసక్తికరం.🎭🎬🎥
Comentários