ఆగస్ట్ 15న ‘స్త్రీ 2’ సినిమా విడుదల కానుంది. ఈ చిత్రంలో శ్రద్ధా కపూర్, రాజ్‌కుమార్ రావ్, అపరశక్తి ఖురానా, అభిషేక్ బెనర్జీ, పంకజ్ త్రిపాఠి తదితరులు నటించారు. 2018లో ‘స్త్రీ’ సినిమా వచ్చింది. ఆ సినిమాలో నోరా ఫతేహి స్పెషల్ సాంగ్ చేసింది. ఇప్పుడు సీక్వెల్‌లో తమన్నా భాటియాకు అవకాశం వచ్చింది. వచ్చిన అవకాశాన్ని తమన్నా చక్కగా వినియోగించుకుంది.
అమర్ కౌశిక్ ‘స్త్రీ 2’ చిత్రానికి దర్శకత్వం వహించారు. ఈ చిత్రానికి దినేష్ విజన్ నిర్మాతగా వ్యవహరించారు. ఈ సినిమా ప్రమోషన్స్ భారీగానే జరుగుతున్నాయి. ‘స్త్రీ’ హిట్ కావడంతో ‘స్త్రీ 2’ కూడా జనాలను ఎట్రాక్ట్ చేస్తుందనే నమ్మకం ఉంది. అందుకు తగ్గట్టుగానే తమన్నా భాటియా పాట అదరగొడుతోంది. ఈ సాంగ్ ఇప్పటికే యూట్యూబ్‌లో మిలియన్ల కొద్దీ వ్యూస్ సొంతం చేసుకుంది. జైలర్ సినిమాలో తమన్నా చేసిన ‘కావలయ్యా..’ పాట పాపులర్ అయింది. ఆ సినిమా విజయంలో ఈ పాట కూడా తోడైంది. ‘స్త్రీ 2’ సినిమాలోనూ అలాంటి మ్యాజిక్ రిపీట్ అయ్యే అవకాశం ఉంది. ఈ సినిమాలోని పాటలో తమన్నా చాలా గ్లామర్‌గా స్టెప్పులేసింది.
