ఈసారి హౌస్ లోకి వెళ్లే వారిలో చాలా వరకు మనకు తెలిసిన మొఖాలే ఉండనున్నాయి. ఇక నెట్టింట చక్కర్లు కొడుతున్న పేర్లలో.. కిర్రాక్ ఆర్పీ, అమృతా ప్రణయ్, నిఖిల్(యాంకర్), కుమారీ ఆంటీ, బర్రెలక్క, అనీల్ గీలా(యూట్యూబర్), బుల్లెట్ భాస్కర్, బమ్ చిక్ బబ్లూ, వంశీ లతో పాటు రీతూ చౌదరి, సోనియా సింగ్, కుషితా కల్లపు, సుప్రిత, అంజలి పవన్, వింధ్య విశాక, వర్షిణి , నయన పావని, విష్ణు ప్రియా పేర్లు వినిపిస్తున్నాయి. తాజాగా ఓ స్టార్ హీరో పేరు ఇప్పుడు లిస్ట్ లోకి వచ్చి చేరింది. బిగ్ బాస్ సీజన్ 8కి ఒకప్పుడు అమ్మాయిలా రాకుమారుడు అబ్బాస్ కంటెస్టెంట్ గా పాల్గొంటున్నారు అంటూ టాక్ వినిపిస్తుంది. ఒకానొక సమయంలో అబ్బాస్ స్టార్ హీరోగా రాణించారు. ప్రేమ దేశం సినిమాతో అబ్బాస్ ఒక్కసారిగా పాపులర్ అయ్యారు. ఆతర్వాత ఆయన నటించిన చాలా సినిమాలు ప్రేక్షకులను ఆకట్టుకున్నాయి. అప్పట్లో అబ్బాస్ హెయిర్ స్టైల్ కి ఫ్యాన్స్ ఉండేవారు. ఇక ఇప్పుడు అబ్బాస్ బిగ్ బాస్ హౌస్ లోకి అడుగు పెడతాడు అంటూ సోషల్ మీడియాలో వార్తలు పుట్టుకొచ్చాయి. ప్రస్తుతం సినిమాలకు దూరంగా ఉంటున్న అబ్బాస్. సింగపూర్ లో సెటిల్ అయ్యారు. ఇటీవలే ఆయన చెన్నైకు వచ్చారు. మరి నిజంగా అబ్బాస్ బిగ్ బాస్ హౌస్ లోకి అడుగు పెడతాడో లేదో చూడాలి.
