శంషాబాద్‌లో దారుణం ఓ మహిళను చంపేసి బాడీపై పెట్రోల్‌ పోసి తగులబెట్టారు

రంగారెడ్డి జిల్లా శంషాబాద్‌లో దారుణం చోటు చేసుకుంది. సాయి ఎన్‌క్లేవ్‌లో అర్దరాత్రి హత్య సంచలనం రేపింది. ఓ వివాహితను అత్యంత దారుణంగా చంపేశారు.

రంగారెడ్డి జిల్లా శంషాబాద్‌లో దారుణం చోటు చేసుకుంది. సాయి ఎన్‌క్లేవ్‌లో అర్దరాత్రి హత్య సంచలనం రేపింది. ఓ వివాహితను అత్యంత దారుణంగా చంపేశారు. ఆపై డెడ్ బాడీపై పెట్రోల్‌ పోసి నిప్పంటించి పారిపోయాడో దుండగుడు. ఒక్కసారిగా మంటలు చెలరేగడాన్ని చూసి స్థానికులు ఉలిక్కిపడ్డారు. ఏం జరుగుతుందో తెలియక.. భయపడిపోయారు. ఆ వెంటనే పోలీసులకు ఫోన్ చేసిన సమాచారమిచ్చారు. హుటాహుటిన స్పాట్‌కి చేరుకున్న పోలీసులు కాలిపోతున్న డెడ్‌బాడీ చూసి షాకయ్యారు. అసలేం జరిగిందనే దానిపై ఆరా తీశారు. శంషాబాద్‌లో గల సాయి ఎన్‌క్లేవ్‌ జనంతో ఎప్పుడూ సందడిగా ఉంటుంది. కానీ, అర్థరాత్రి వేళ ఓ మహిళను చంపేసి, ఆమె శరీరానికి నిప్పటించారు. స్కూటీపై బాడీని తీసుకువచ్చి ఓపెన్ ప్లాట్‌లో తగలబెట్టినట్లు సీసీటీవీ విజువల్స్‌లో కనిపిస్తోంది. ఇంత కిరాతకం వెనుక అసలు రీజనేంటి? అని అన్ని కోణాల్లోనూ పోలీసులు ఆరా తీస్తున్నారు.